Беларускія мультфільмы прымуць удзел у конкурсе ў Сербіі

© Photo : minsk.all.bizНацыянальная кінастудыя "Беларусьфільм"
Нацыянальная кінастудыя Беларусьфільм - Sputnik Беларусь
Беларусь прадставяць тры анімацыйныя працы - "Нянюшкіны казкі", "Якія сны сніць мядзведзь" і "Вясна ўвосень".

МІНСК, 17 ліп — Sputnik. Тры анімацыйныя стужкі "Беларусьфільма" будуць змагацца за перамогу на V фестывалі "Constantine's gold coin" ("Залатая манета Канстанціна") у Сербіі, паведамілі Sputnik у прэс-службе кінастудыі.

На конкурс даслана каля 600 работ з 65 краін свету, 200 з іх адабраны для ўдзелу ў асноўнай конкурснай праграме ў пяці катэгорыях.

Беларусь прадставяць тры анімацыйныя працы — "Нянюшкіны казкі", "Якія сны сніць мядзведзь" і "Вясна ўвосень".

Фестываль "Constantine's gold coin" пройдзе ў горадзе Ніш з 25 па 29 лiпеня.

"Вясна ўвосень"

Гэта экранізацыя казкі класіка беларускай літаратуры Уладзіміра Караткевіча, у якой аўтар вучыць дзяцей быць абачлівымі і спагадлівымі, выхоўвае любоў да ўсіх жывых істот. Маленькі Янка цяжка захварэў. Яму хочацца ўбачыць сонца, але дзень выдаўся пахмурным, непагодлівым. Сястра Янкі Аленка папрасіла сонца вызірнуць з-за хмар, але яно не пачула голас дзяўчынкі. І тады на дапамогу Аленцы прыйшлі птушкі і звяры, якія добра памяталі яе брата — ён ніколі іх не крыўдзіў. Усе разам яны заспявалі вясновыя песні і абудзілі сонца.

Рэжысёр і аўтар сцэнарыя Таццяна Кубліцкая, 10 хвілін.

© Photo : БеларусьфільмКадр з мультфільма "Вясна ўвосень"
Кадр з мультфільма Вясна ўвосень - Sputnik Беларусь
Кадр з мультфільма "Вясна ўвосень"

"Якія сны сніць мядзведзь"

У аснову сюжэту пакладзены беларускія народныя абрады. Гэта смешная, кранальная гісторыя, агучаная каларытнай беларускай мовай. У ёй распавядаецца пра тое, як людзі будзілі спячага ў бярлозе мядзведзя, які скраў з неба сонца, чым затрымаў прыход вясны. Фільм пазнавальнага плана, знаёміць дзяцей са старадаўнімі беларускімі традыцыямі і абрадамі.

Аўтар сцэнарыя і рэжысёр Руслан Сінкевіч, 6,5 хвілін.

© Photo : БеларусьфільмКадр з анімацыйнай ленты "Якія сны сніць мядзведзь"
Кадр з анімацыйнай ленты Якія сны сніць мядзведзь  - Sputnik Беларусь
Кадр з анімацыйнай ленты "Якія сны сніць мядзведзь"

"Нянюшкіны казкі"

Па матывах казак братоў Грым. Познім вечарам мама ўкладвае спаць маленькую дачку. Дзяўчынка не хоча спаць і просіць сабаку Ашу расказаць ёй страшэнную казку. Аша распавядае казку пра дзяўчынку Грэтэль і яе брата Гензеля. Непаслухмяны хлапчук, пакрыўдзіўшыся на сястру, збег у таямнічы лес. Грэтэль кінулася ратаваць брата. Дзеці заблукалі, і пакуль шукалі дарогу дадому, сустрэлі на сваім шляху добрых і не вельмі загадкавых істот, патрапілі ў дом да бабулькі, якая апынулася чараўніцай, а пасля добры волат паказаў ім дарогу дадому.

Рэжысёр і аўтар сцэнарыя Алена Пяткевіч, 13 хвілін.

© Photo : БеларусьфільмКадр з анімацыйнага фільма "Нянюшкіны казкі"
Кадр з анімацыйнага фільма Нянюшкіны казкі  - Sputnik Беларусь
Кадр з анімацыйнага фільма "Нянюшкіны казкі"

Міжнародны фестываль "Залатая манета Канстанціна" за пяць гадоў свайго існавання стаў важнай падзеяй у галіне анімацыі для дзяцей, адным з прэстыжных форумаў, у якім прымаюць удзел як мультыплікатары-пачаткоўцы, так і прафесіяналы. Фестываль праводзіцца ў гонар рымскага імператара Канстанціна, які нарадзіўся ў Нішы.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі