У гэтым годзе "Славянскі базар" падрыхтаваў сапраўды шырокую паралельную праграму для гасцей і жыхароў Віцебска. Кожны дзень у цэнтры горада выступалі вулічныя музыканты і артысты тэатру, па вечарах гледачы маглі ўбачыць вогненныя шоў, дзяцей забаўлялі клоуны і жывыя статуі.
У дні, калі было цёплае летняе надвор'е, гараджане хадзілі па вузкіх вулачках, танцавалі і спрабавалі розныя пачастункі ў намётах. У такія моманты Віцебск станавіўся сапраўды святочным еўрапейскім горадам.
Увечары на сцэне Летняга амфітэатра адбудзецца ўрачыстае закрыццё фестывалю. Аднак гледачы яшчэ паспеюць атрымаць асалоду ад сольнага канцэрта Ягора Крыда, выступа гуртоў "Руки вверх" і "Сплин".
