Касмічны апарат New Horizons быў адпраўлены на ўскраіну Сонечнай сістэмы яшчэ 11 гадоў таму. У ліпені 2015 года ён прыбыў у сістэму Плутона, зрабіўшы масу фатаграфій яго паверхні і спадарожніка Харона.
"Плутон апынуўся надзвычай складаным і "жывым" светам, чыя паверхня пастаянна абнаўляецца і змяняецца", — паведамілі навукоўцы NASA.
На думку спецыялістаў агенцтва, новыя дадзеныя з паверхні могуць змяніць уяўленне аб нябесным целе.
Зонд New Horizons — самы хуткі касмічны апарат, які калі-небудзь стартаваў з Зямлі. Яго хуткасць складае 58,5 тысяч кіламетраў за гадзіну.
