МІНСК, 19 ліп — Sputnik. Шэсць чалавек загінулі ад анамальнай спякоты ў Японіі, больш за сем тысяч трапілі ў лякарні за мінулы тыдзень, інфармуе служба пажарнай аховы Японіі, якая кіруе службу хуткай дапамогі.
Анамальная спякота ўсталявалася ў Японіі з пачатку месяца — слупкі тэрмометраў у шэрагу прэфектур падымаліся да 37 градусаў. У некаторых раёнах паветра распалілася да 37,1 градуса. Напярэдадні сіноптыкі папярэдзілі, што гарачае надвор'е захаваецца ў бліжэйшыя некалькі дзён.
З 10 ліпеня, паводле афіцыйных дадзеных, ахвярамі спякоты сталі шэсць чалавек, больш за 7,6 тысячы былі шпіталізаваны. Сярод тых, хто быў дастаўлены ў лякарні, шпіталізацыя больш трох тыдняў прадпісана 170 пацярпелым. Больш за 2,5 тысячы чалавек шпіталізаваны на больш кароткія тэрміны. Адзначаецца, што амаль палова пацярпелых (49,5%) — пажылыя людзі ва ўзросце звыш за 65 гадоў.
Агульная колькасць загінулых у Японіі ад спякоты сёлета склала 17 чалавек. Японцаў просяць ужываць як мага больш вадкасці, насіць галаўныя ўборы і імкнуцца не праводзіць шмат часу пад сонцам, каб пазбегнуць трагедыі.
