МІНСК, 20 ліп — Sputnik. Кантралёры пачалі працаваць у сталічных тралейбусах без спецыяльных камізэлек, паведамілі Sputnik на прадпрыемстве "Мінсктранс".
Сталічныя транспартнікі з вясны праводзяць эксперымент па працы кантралёраў на грамадскім транспарце без спецыяльных камізэлек — так ужо працуюць рэвізоры ў мінскіх трамваях.
Як паведамілі Sputnik у чацвер у "Мінсктрансе", цяпер без спецыяльных камізэлек працуюць і кантралёры на тралейбусных лініях — з 18 ліпеня.
Нягледзячы на адсутнасць уніформы, кантралёры ў тралейбусах павінны пры сабе мець пасведчанне, бейдж з фатаграфіяй і прыладу для праверкі аплаты праезду. Штраф для "зайцоў" у Мінску складае 11,5 рублёў.
Тралейбусы — папулярны ў Мінску від наземнага транспарту: іх маршруты звязваюць усе куткі горада і цэнтр сталіцы. Усяго ў горадзе налічваецца некалькі дзясяткаў тралейбусных маршрутаў.
