МІНСК, 21 ліп — Sputnik. Дзве новыя кнігі пра сусвет Гары Потэра выйдуць гэтай восенню, паведамляе The Hollywood Reporter.
Выдавецтва Bloomsbury прымяркуе выпуск кніг да 20-годдзя публікацыі першай кнігі патэрыяны "Гары Потэр і філасоўскі камень". Брытанская бібліятэка прыме выставу "Гісторыя магіі", якая пройдзе з кастрычніка па люты.
Так, кніга "Гары Потэр: Падарожжа скрозь гісторыю магіі" будзе прысвечана старажытнаму вядзьмарству, магіі і адзінарогам. Выданне "Гары Потэр: Гісторыя магіі — Кніга выставы" распавядзе аб прадметах, якія вывучаюцца ў школе Хогвартс. Акрамя таго, кніга раскажа аб самой школе, дзе вучыўся Потэр і яго сябры.
У кастрычніку таксама будзе выпушчана ілюстраваная версія трэцяй кнігі папулярнай серыі "Гары Потэр і вязень Азкабана".
У 2016 годзе была апублікаваная восьмая кніга пра Потэра, якая атрымала назву "Гары Потэр і праклятае дзіця".
Джоан Роўлінг за 20 гадоў (з 1997 па 2007 год) напісала сем кніг пра маладога чараўніка, якія пасля былі выдадзены на 77 мовах.
