МІНСК, 27 ліп — Sputnik. У пачатку ліпеня ў Гродзенскім заапарку ад старажыла-зубра Барыса і маладой самкі Любавы нарадзілася маленькае зубраня.
"На дадзены момант маленькая зубрыца знаходзіцца на карантыне пад штодзённым наглядам спецыялістаў, аднак з мамай яе не разлучалі, таму яна даступная на агульным аглядзе", — паведамляецца на сайце заапарка.
Гродзенскі заапарк абвясціў конкурс — "Імя для зубра". Конкурс будзе праходзіць увесь жнівень месяц. Падвядзенне вынікаў конкурсу плануецца ў пачатку верасня пасля рэгістрацыі зубраня ў Мінпрыроды Беларусі.
З гэтай нагоды плануецца правесці вялікае свята ў гонар дня нараджэння зубраня.
Пераможца конкурсу атрымае месячны абанемент на наведванне заапарка. Свае варыянты імя для зубра (дзяўчынкі) можна пакідаць у заамагазіне Гродзенскага заапарка.
