МІНСК, 28 ліп — Sputnik. Вялікія чэргі ўтварыліся ў пунктах пропуску на мяжы Беларусі і Польшчы, сведчаць дадзеныя Дзяржпагранкамітэта днём у пятніцу.
Складаная сітуацыя з легкавымі аўтамабілямі ўзнікла ў чацвер на мяжы Беларусі і Літвы, а ў пятніцу значныя чэргі з'явіліся на мяжы з Польшчай.
Так, днём у пятніцу 220 легкавых аўтамабіляў стаяць у пункце пропуску "Брэст", яшчэ 18 — у "Брузгах". Агулам колькасць машын у чарзе набліжаецца да 250. Праблем жа з рухам грузавых фур у польскім кірунку няма.
Няпростая сітуацыя і на мяжы з Літвой — у "Каменным логу" стаяць 15 аўтамабіляў, яшчэ дзесяць — у "Лошы". Грузавых жа аўтамабіляў у чэргах на літоўскай мяжы стаяць амаль шэсць сотняў.
Афіцыйна прычыны цяжкасці руху на мяжы не тлумачылі. Напярэдадні праблема была ў збоі праграмнага забеспячэння ў літоўскіх памежнікаў, аб аналагічнай сітуацыі ў палякаў пакуль паведамленняў не было.
