Пенсіі, Tax Free і льготы ў заапарк: што змянілася з 1 жніўня

© PixabayБеларускія грошы, архіўнае фота
Беларускія грошы, архіўнае фота - Sputnik Беларусь
У першы дзень апошняга летняга месяца ў Беларусі адбыліся змены, якія закранаюць штодзённае жыццё грамадзян, прычым не толькі ў нашай краіне, але і за яе межамі. Sputnik аналізуе асноўныя перамены.

З пачатку жніўня ў Беларусі павялічваюцца дапамогі на дзяцей і пенсіі. Змены закрануць пошліны на нафту і нафтапрадукты — у бок памяншэння. Традыцыйна ў першы дзень месяца даражэюць цыгарэты, а аматары "закупаў" у Польшчы, нарэшце, дачакаліся зніжэння парогавай сумы для атрымання VAT.

Бюджэт пражытачнага мінімуму

З жніўня ў Беларусі падвышаецца бюджэт пражытковага мінімуму — да 31 кастрычніка ён складзе 197,57 рубля, або 101,62 долара ЗША па курсе на 1 жніўня. Рост абумоўлены павышэннем коштаў на прадукцыю новага ўраджаю, што, адпаведна, павялічыць артыкул выдаткаў на харчаванне.

Змены БПМ цягнуць за сабой і павелічэнне мінімальных працоўных пенсій і надбавак асобам, якія старэйшыя за 75 гадоў. Таксама вырастуць дапамогі на дзяцей і па догляду за інвалідамі і надбаўкі шэрагу іншых катэгорый грамадзян.

Паліць — даражэй

У чарговы раз пачатак месяца "б'е" па кашальку курцоў — у рэспубліцы з 1 жніўня выраслі цэны на тытунёвую прадукцыю, прадукцыю, якая вырабляецца завода "Нёман" і "Тытунь-інвест", так і імпартаваную "Беларусьгандлем".

Традыцыйна моцнага павышэння коштаў на цыгарэты няма — у сярэднім яны падаражэюць на 15 капеек. Да гэтага тытунёвая прадукцыя даражэла ў ліпені.

Пошліны на нафту

Беларусь з 1 жніўня знізіла экспартныя пошліны на нафту і нафтапрадукты. Стаўка экспартнай пошліны на сырую нафту зніжана з $80,9 да $74,4 за тону. Пошліна на прамагонны бензін — з $44,4 да $40,9 за тону, на таварныя бензіны — з $24,2 да $22,3 за тону. 

Да гэтага пошліны змяняліся з 1 ліпеня, толькі ў бок павышэння.

На "закупы" з меншай сумай

Аматары шопінгу ў Польшчы з палёгкай уздыхнулі — зніжэнне парога сумы для выдачы чэка Tax Free нарэшце адбылося. Улады Польшчы планавалі зрабіць гэта яшчэ ў чэрвені, аднак з пачатку месяца крамы выдавалі VAT толькі пры куплі на 300 злотых, што выклікала здзіўленне многіх нашых суайчыннікаў.

З 1 жніўня вярнуць ПДВ ужо можна з пакупкі на 200 злотых, гэта пацвердзіў як польскі Мінфін, так і шматлікія крамы, якія з сярэдзіны ліпеня ўжо пачалі распаўсюджваць адпаведную інфармацыю.

Ільготы ў заапарк

На фоне ўсяго іншага некаторыя змены вырабіў і Мінскі заапарк — у цэнаўтварэнні. З 1 жніўня шматдзетныя сем'і змогуць набыць квіткі па зніжаных цэнах. Для гэтай катэгорыі сем'яў білет у заапарк з наведваннем акварыума, тэрарыума і экзатарыума патаннее на тры рублі (з 9 да 6 рублёў), адзіны білет у заапарк і дзінапарк — таксама на тры рублі (13 да 10), а дзецям да пяці гадоў — уваход вольны.

Ільгота прадастаўляецца толькі пры наяўнасці дакументаў, якія пацвярджаюць шматдзетнасць сям'і, і пасведчання асобы.     

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі