МІНСК, 1 жні — Sputnik. Кніга "Ігнацы Дамейка: жыццё ў эміграцыі", напісаная нашчадкамі навукоўца, была прэзентавана ў Мінску, паведамілі Sputnik у беларускім знешнепалітычным ведамстве.
У Міністэрстве замежных спраў Беларусі адбылося ўрачыстае мерапрыемства, прысвечанае 215-годдзю з дня нараджэння знакамітага ўраджэнца беларускай зямлі і нацыянальнага героя Чылі, выбітнага навукоўца Ігната Дамейкі.
Уладзімір Макей адзначыў, што Беларусь ганарыцца сваім выдатным сынам Ігнатам Дамейкам, які праславіў беларускую зямлю сваім талентам, адданасцю навуцы і шырокім спектрам навуковых інтарэсаў і дасягненняў. Дзякуючы такім людзям, як Дамейка, быў закладзены падмурак беларускай ідэнтычнасці і стала магчымым фарміраванне беларускай нацыі.
У рамках мерапрыемства была прадстаўлена выстава, якая складаецца з чатырох экспазіцый: праекта "Ігнат Дамейка — тытан навукі" з фондаў Музея "Замкавы комплекс "Мір", экспазіцыі выданняў з фондаў Нацыянальнай бібліятэкі Беларусі, экспазіцыі партрэтаў вядомых беларускіх дзеячаў навукі з калекцыі Нацыянальнага мастацкага музея Рэспублікі Беларусь, экспазіцыі беларускіх краявідаў з натуральных мінералаў інстытута геалогіі Нацыянальнай акадэміі навук Беларусі.
Сярод удзельнікаў урачыстасці былі прамыя нашчадкі навукоўца з Аўстраліі, ЗША і Чылі, міністр інфармацыі Беларусі Лілія Ананіч, прадстаўнікі дыпламатычнага корпуса і беларускія дыпламаты, кіраўнікі ўстаноў культуры, навукоўцы — удзельнікі Міжнародный навуковай канферэнцыі, прысвечанай Ігнату Дамейку.
Падчас мерапрыемства таксама адбылася прэзентацыя перакладу на беларускую мову кнігі праўнучкі Ігната Дамейкі Пас Дамейка "Ігнацы Дамейка: жыццё ў эміграцыі", выдадзенага Міністэрствам замежных спраў пры падтрымцы Міністэрства інфармацыі.
Першы экзэмпляр беларускамоўнага выдання "Ігнат Дамейка: з Мядзвядкі — у Санцьяга-дэ-Чылі (1802-1889)" быў урачыста ўручаны нашчадкам навукоўца.
