МІНСК, 3 жні — Sputnik. Пяты канцэрт "Класікі каля ратушы", які адбудзецца 5 жніўня, атрымаў назву "Поры года", паведамілі Sputnik у Мінгарвыканкаме.
"Тэма надвор'я, пораў года і ўсяго, што звязана з прыроднымі з'явамі, у розныя перыяды станавілася крыніцай натхнення для музыкаў. Так нарадзіліся самыя знакамітыя класічныя творы. І калі цыкл "Поры года" Антоніа Вівальдзі здольны ўспомніць і нават пазнаць на слых ці ледзь не кожны, то інтэрпрэтацыі другіх матываў у творчасці Пятра Чайкоўскага або Астара П'яцолы знаёмыя шырокай публіцы не гэтак добра", — лічаць арганізатары.
У канцэрце прымуць удзел музыканты з Беларусі, Італіі, Францыі, Нідэрландаў і Германіі.
Паводле задумкі арганізатараў, "наведвальнікі канцэрту атрымаюць унікальную магчымасць акунуцца адразу ў чатыры розныя стыхіі, пабываць у кожным з дванаццаці месяцаў года, пачуць, як гучаць ліпеньскі спёка, студзеньская завіруха або шолах восеньскага лісця".
У гэты вечар у выкананні інтэрнацыянальнага Nouvelle Philharmonie trio (Беларусь — Францыя — Нідэрланды — Германия) і струннага аркестра Кансерваторыі музыкі ім. Джузэпэ Тарціні (Трыест, Італія) прагучаць фартэпіянны цыкл Пятра Чайкоўскага "Поры года", чатыры танга з серыі "Поры года ў Буэнас-Айрэсе" Астара П'яцолы і "Поры года" Антоніа Вівальдзі.
Канцэрт пачнецца ля Ратушы ў 20:30.
