МІНСК, 4 жні — Sputnik. Вышэйшыя навучальныя ўстановы Беларусі завяршаюць прыём дакументаў на платную форму атрымання адукацыі, нагадалі Sputnik у Мінадукацыі.
Вынікі прыёмнай кампаніі на бюджэт беларускія ВНУ ужо падвялі, а падача дакументаў на платнае аддзяленне традыцыйна была некалькі даўжэй.
Усе беларускія ВНУ завяршаюць прыём дакументаў на платнае аддзяленне ў пятніцу ў 18:00. Пасля гэтага часу падаць заяўку на атрыманне вышэйшай адукацыі ўжо нельга будзе нават у выпадку адсутнасці конкурсу і недабору па шэрагу спецыяльнасцяў.
Ужо вядома, што прахадныя балы на платную форму атрымання адукацыі па параўнанні з мінулым годам некалькі вырастуць. У цэлым жа аб лічбах прыёму можна будзе казаць толькі пасля 6 жніўня — да гэтай даты ВНУ залічаць першакурснікаў-платнікаў.
Беларускія ўніверсітэты і акадэміі ў гэтым годзе паднялі кошт вучобы па параўнанні з 2016-м у сярэднім на 200 рублёў. У адным з вядучых ВНУ краіны год навучання будзе каштаваць каля 1,3 тысячы долараў у эквіваленце — у залежнасці ад абранай спецыяльнасці.
Да вучобы першакурснікі прыступяць ужо з верасня.
