МІНСК, 7 жні — Sputnik. Нацыянальны банк Рэспублікі Беларусь з 7 жніўня выпускае ў абарачэнне памятныя манеты "Шлях Скарыны. Вільня" серыі "Шлях Скарыны", паведамілі Sputnik у прэс-службе банка.
Манеты маюць форму круга, з пярэдняга і адваротнага бакоў — кант, які выступае па акружнасці. Бакавая паверхня манет з насечкай.
Манеты маюць уласныя асаблівасці:
- срэбную — намiналам 20 рублёў, вагой 33,62 г, дыяметрам 50,00 мм, пробай сплаву 925, тыражом 2 000 штук
- медна-нікелевую — наміналам 1 рубель, вагой 19,50 г, дыяметрам 37,00 мм, тыражом 3 000 штук
На аверсе змешчана цытата з пасляслоўя да "Часаслоўца" з "Малой падарожнай кніжкі", выдадзенай Францыскам Скарынам. Пад ёю змешчаны дэкаратыўны элемент з "Малой падарожнай кніжкі", а злева і справа — фрагменты ілюстрацый з кнігі.
На рэверсе зроблена выява ліку Божай Маці з немаўлём з "Малой падарожнай кніжкі" на фоне віду горада Вільні са старадаўняй гравюры XVI стагоддзя з атласа Георга Браўна.
Манеты адчаканены ў ЗАТ "Літоўскі манетны двор".
