МІНСК, 8 жні — Sputnik. Каманда беларускіх кінолагаў паказала другі вынік у спаборніцтвах "Верны сябар", якія завяршыліся ў аўторак Расіі, паведамілі Sputnik у Міністэрстве абароны Беларусі.
Конкурс адбыўся ў рамках Армейскіх міжнародных гульняў "АрМГ-2017". У ім прымалі ўдзел каманды з Беларусі, Егіпта, Казахстана, Расіі і Узбекістана, а таксама выступалі па-за конкурсам прадстаўнікі ДТСААФ РФ.
Сёння завяршыўся апошні этап конкурсу — "Эстафета", дзе вайскоўцы разам са сваімі гадаванцамі павінны былі пераадолець паласу перашкод і выканаць стральбу з малакалібернай вінтоўкі. Беларускія вайскоўцы і іх сабакі паказала лепшы час сярод каманд, што дазволіла нашым суайчыннікам падняцца на другі радок агульнакаманднага рэйтынгу.
У Мінабароны адзначылі, што каманда беларускіх кінолагаў, якая складалася пераважна з салдат тэрміновай службы здолела скласці сур'ёзную канкурэнцыю прадстаўнікам каманд-супернікаў, якія складаліся з кантрактнікаў.
Першае месца ў спаборніцтве заваявалі кінолагі з Расіі.
Конкурс "АрМГ-2017" завершыцца 12 жніўня, у ім удзельнічаюць прадстаўнікі армій 28 дзяржаў свету.
