Асацыяцыя "Беларуская федэрацыя футбола" (АБФФ) выступіла арганізатарам першага афіцыйнага турніру па адной з найбольш папулярных вулічных гульняў з футбольным мячом — "Квадрату". Футбольны фэст пройдзе 19 жніўня, спаборніцкай пляцоўкай стане паркоўка кафэ ENZO (вуліца Кастрычніцкая, 23). Пачатак у 12:00.
"Турнір будзе праходзіць у асабістым заліку ў дзвюх узроставых катэгорыях: ад 8 да 15 гадоў і ад 16 гадоў і старэй. Вопытам з удзельнікамі падзеляцца майстры футбольнага фрыстайла, а фінал наведаюць вядомыя беларускія футбалісты", — распавялі ў прэс-службе АБФФ.
Пераможца і яго супернікі па фінале атрымаюць каштоўныя прызы і падарункі ад АБФФ і партнёраў, у тым ліку квіткі на бліжэйшыя хатнія матчы нацыянальнай зборнай, гульнявыя майкі "Белакрылых" і іншыя прыемныя сюрпрызы.
Падаць заяўку на ўдзел можна на сайце АБФФ.
