МІНСК, 10 жні — Sputnik. Прэзідэнт Беларусі Аляксандр Лукашэнка падчас паездкі па Брэсцкай вобласці раптоўна змяніў свой маршрут, каб наведаць адно з праблемных ААТ у Івацэвіцкім раёне.
Кіраўнік дзяржавы 10 жніўня знаходзіцца на Брэстчыне, дзе інспектуе ход правядзення ў рэгіёне уборачнай кампаніі.
Як паведамляе прэс-служба прэзідэнта, Лукашэнка спачатку спыніўся на полі ААТ "Косава", дзе пагутарыў з адным з экіпажаў камбайнаў, а затым адправіўся на ферму "Старажоўшчына", дзе другі год праводзіцца фінансавае аздараўленне.
На ферме прэзідэнт даў даручэнне членам урада, якія суправаджаюць яго ў паездцы па Брэсцкай вобласці, знайсці 200 тысяч рублёў, каб прывесці яе ў ідэальны стан. Лукашэнка таксама ўсталяваў тэрмін для гэтага — лістапад 2017 года.
Пры гэтым кіраўнік дзяржавы распарадзіўся павялічыць у два разы ў ААТ "Косава" колькасць дойных кароў і паабяцаў прыехаць на прадпрыемства восенню, каб праверыць, што зроблена.
