МІНСК, 11 жні — Sputnik. Прэзідэнт Беларусі Аляксандр Лукашэнка паставіў новую планку памеру сярэдняй заработнай платы ў краіне — яна зможа дасягнуць узроўню 1500 рублёў.
Кіраўнік дзяржавы ў пятніцу 11 жніўня наведвае Брэст, дзе знаёміцца з сацыяльным і эканамічным развіццём горада. Падчас наведвання сацыяльных аб'ектаў Брэста Лукашэнка зноў падняў тэму годнай заработнай платы ў краіне.
"Мы тысячу рублёў будзем мець, але гэта будзе сярэдні заробак. За 2018-2019 годы, асабліва за 2018 год, мы бярэмся за прадпрыемствы, на якіх мала зарабляюць, каб іх падцягнуць да тысячы", — цытуе БелТА словы Лукашэнкі.
Прэзідэнт таксама адзначыў, што калі дадзеная задача будзе выканана у Беларусі, сярэдні заробак па краіне можа ўжо дасягнуць памеру 1,5 тысяч рублёў.
Кіраўнік дзяржавы падкрэсліў, што сярэдні заробак у памеры 500 долараў ЗША трэба замацаваць для таго, каб у пачатку наступнага года яна не знізілася.
У красавіку 2017 года Лукашэнка запатрабаваў да снежня давесці сярэдні заробак беларусаў да ўзроўню ў 500 долараў — крыху больш за тысячу рублёў у эквіваленце. Адначасова з тым ён падкрэсліў: яе рост павінен быць звязаны з павелічэннем прадукцыйнасці працы.
