МІНСК, 16 жні — Sputnik. Народная артыстка Расіі, актрыса і рэжысёр Вера Глаголева памерла ў ЗША на 62-м годзе жыцця, паведаміла ў сераду тэлевядучая Ларыса Гузеева.
Аб смерці Глаголевай ў сераду паведамілі знаёмыя актрысы і рэжысёра, а пазней — і тэлевядучая Гузеева.
Глаголева памерла ў ЗША на 62-м годзе жыцця. Прычына смерці яшчэ афіцыйна не абвешчана, аднак, паводле папярэдняй версіі, яна стала ахвярай анкалогіі.
Вера Глаголева — актрыса і рэжысёр, вядомая па фільмах "Шчыра Ваш…", "Бедная Саша". Здымалася Глаголева і ў Мінску — у рэжысёра Дзмітрыя Астрахана ў серыяле "Зала чакання", які выйшаў на экраны ў 1998 годзе. Апошняя акцёрская праца Глаголевай — серыял "Заручальны пярсцёнак", які выходзіў у 2008-2009 гадах.
Таксама Глаголева стала рэжысёрам некалькіх фільмаў, апошні з іх — карціна 2014 года "Дзве жанчыны", знятая з удзелам брытанскай зоркі Райфа Файнса. Да 2018 года Глаголева мусіла зняць стужку пра гісторыю кахання пісьменніка Івана Тургенева і Паліны Віардо, аднак невядома, ці былі пачаты здымкі.
У Глаголевай застаўся муж Кірыл Шубскі, тры дачкі і ўнучка. Яе малодшая дачка Анастасія Шубская замужам за хакеістам Аляксандрам Авечкіным.
