МІНСК, 18 жні — Sputnik. Эпідэміёлагі падвялі папярэднія вынікі бягучага года па сітуацыям з укусамі грамадзян кляшчамі — за сем месяцаў у бальніцы звярнуліся больш за 26 тысяч чалавек, паведамілі Sputnik у Рэспубліканскім цэнтры гігіены, эпідэміялогіі і грамадскага здароўя.
Спецыялісты канстатуюць, што ў 2017-м зафіксавана зніжэнне колькасці зваротаў грамадзян, пацярпелых ад нападу кляшчоў.
"У арганізацыі аховы здароўя за мінулы перыяд бягучага года з-за ўкусу кляшча звярнулася 24,6 тысячы чалавек, у тым ліку 7,6 тысячы дзяцей", — сказалі ў цэнтры.
Там таксама паведамілі, што гэтая лічба на 24,4% менш, чым за аналагічны перыяд 2016-га.
Паводле інфармацыі эпідэміёлагаў, часцей за ўсё кляшчы кусалі людзей у Мінску і Гродзенскай вобласці, менш за ўсё пакусаных — на Гомельшчыне.
Пры гэтым захворванне на клешчавы барэліёз ў рэспубліцы сёлета ў параўнанні з мінулым знізілася на 17,4%, а колькасць выпадкаў клешчавога энцэфаліту не перавысіла 30.
