https://bel.sputnik.by/20170821/krumkachy-abygrali-bateh-yakomu-vinny-groshaj-1030407057.html
"Крумкачы" абыгралі БАТЭ, якому вінны грошай
"Крумкачы" абыгралі БАТЭ, якому вінны грошай
Sputnik Беларусь
Заўзятары назвалі перамогу над БАТЭ гістарычнай, а хтосьці нават зарабіў на трыумфе "Крумкачоў". 21.08.2017, Sputnik Беларусь
2017-08-21T10:32+0300
2017-08-21T10:32+0300
2023-05-04T15:26+0300
у беларусі
навіны
галоўнае
спорт
беларусь
барысаў
мінск
фк "батэ"
фк "крумкачы"
футбол
https://cdnn11.img.sputnik.by/img/103040/67/1030406707_0:67:1280:787_1920x0_80_0_0_0d0fc40f06423c58c992faae657b4f19.jpg
МІНСК, 21 жні — Sputnik. Мінскі футбольны клуб "Крумкачы" абыграў барысаўскі БАТЭ ў матчы 19-га тура чэмпіянату Беларусі па футболе, паведамляе Sputnik.Паядынак адбыўся ў нядзелю, 20 жніўня, на "Барысаў-Арэне". Сустрэча завяршылася з лікам 2:3 на карысць гасцей з Мінска. У складзе "крумкачоў" вызначыліся Філіп Іваноў (20-я хвіліна), Аляксандр Філановіч (25) і Уладзіслаў Іваноў (68). У "жоўта-сініх" галы на свой рахунак запісалі Міхаіл Гардзяйчук (48) і Мікалай Сігневіч (56).СорамнаПасля гульні і без таго нешматслоўны галоўны трэнер БАТЭ Аляксандр Ермаковіч назваў гульню барысаўчан "няўцямнай". "Сорамна, проста няма слоў. Віншую супернікаў з перамогай. Мне больш сказаць няма чаго", — прыводзіць словы спецыяліста прэс-служба клуба.На полі была камандаАўтар пераможнага гола ў вароты БАТЭ Уладзіслаў Іваноў, каментуючы поспех сваёй каманды, адзначыў, што "крумкачы" рэалізавалі свае моманты. "Самае галоўнае, што, нягледзячы на ўсе праблемы, на поле была каманда. І вельмі добра выглядала", — сказаў футбаліст. Словы хаўбека прыводзіць прэс-служба клуба.Паўабаронца "Крумкачоў" таксама падзякаваў заўзятарам за фантастычную падтрымку. "Дзякуй усім, хто ў нас верыў. Мы іх не падвялі", — дадаў Іваноў.У сваю чаргу настаўнік мінчан Аляксей Кучук назваў перамогу над чэмпіёнам краіны "важнай". "Абгулялі вельмі, вельмі моцную каманду. Удзячны хлопцам. Тыя жаданне, самааддача, вера, з якімі яны гуляюць, дорага каштуюць", — сказаў ён.Гісторыя з грашымаУ мінулую пятніцу СМІ паведамілі, што БАТЭ выйграў суд у "Крумкачоў" па справе пра доўг.У студзені мінулага года кіраўніцтва "жоўта-сініх" прадаставіла беспрацэнтную пазыку "Крумкачам" на адзін год у памеры 150 тысяч долараў. Дзякуючы гэтым грошам "крумкачы" змаглі забяспечыць фінансавыя гарантыі перад БФФ і атрымаць ліцэнзію на ўдзел у вышэйшай лізе. Згодна з умовамі дамовы, мінскі клуб павінен быў вярнуць палову сумы ў жніўні мінулага года, іншую частку грошай — у снежні 2016 года. Аднак "Крумкачы" не змаглі пагасіць доўг нават часткова.У пачатку года эканамічны суд Мінскай вобласці вынес вызначэнне аб спагнанні сумы доўгу ў загадным парадку. Старшыня праўлення Дзяніс Шунто заявіў, што "Крумкачы" вярнулі БАТЭ 35 тысяч долараў.Цяпер па заяве БАТЭ на рахункі "Крумкачоў" могуць у любы момант накласці арышт, а таксама пачаць апісваць маёмасць. У мінскім клубе пакуль ніяк не каментавалі сітуацыю.Немагчымае магчымаНародная каманда, як даўно празвалі "Крумкачоў" заўзятары, упершыню ў гісторыі змагла абыграць барысаўчан. Да гэтага "крумкачы" тройчы цярпелі паразу ад лепшай каманды краіны. У сеціве трыумф падапечных Кучука ўспрынялі з натхненнем.А некаторыя заўзятары нават змаглі зарабіць дзякуючы ўдалай гульні "крумкачоў". Так, нейкі Сяргей Кавалько паставіў рубель на перамогу, а выйграў 30.Пасля 19 тураў БАТЭ займае трэцяе месца ў чэмпіянаце краіны (39 ачкоў), "Крумкачы" размясціліся на 12-м радку (19). Лідзіруе салігорскі "Шахцёр" (44).24 жніўня падапечныя Ярмаковіча згуляюць супраць украінскай "Александрыі" у рамках плэй-оф кваліфікацыі Лігі Еўропы. Нагадаем, першы матч барысаўчане згулялі ўнічыю (1:1).
беларусь
барысаў
мінск
Sputnik Беларусь
media@sputniknews.com
+74956456601
MIA „Rossiya Segodnya“
2017
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
у беларусі, навіны , галоўнае, спорт, беларусь, барысаў, мінск, фк "батэ", фк "крумкачы", футбол
у беларусі, навіны , галоўнае, спорт, беларусь, барысаў, мінск, фк "батэ", фк "крумкачы", футбол
"Крумкачы" абыгралі БАТЭ, якому вінны грошай
10:32 21.08.2017 (абноўлена: 15:26 04.05.2023) Заўзятары назвалі перамогу над БАТЭ гістарычнай, а хтосьці нават зарабіў на трыумфе "Крумкачоў".
МІНСК, 21 жні — Sputnik. Мінскі футбольны клуб "Крумкачы" абыграў барысаўскі БАТЭ ў матчы 19-га тура чэмпіянату Беларусі па футболе, паведамляе Sputnik.
Паядынак адбыўся ў нядзелю, 20 жніўня, на "Барысаў-Арэне". Сустрэча завяршылася з лікам 2:3 на карысць гасцей з Мінска. У складзе "крумкачоў" вызначыліся Філіп Іваноў (20-я хвіліна), Аляксандр Філановіч (25) і Уладзіслаў Іваноў (68). У "жоўта-сініх" галы на свой рахунак запісалі Міхаіл Гардзяйчук (48) і Мікалай Сігневіч (56).
Пасля гульні і без таго нешматслоўны галоўны трэнер БАТЭ Аляксандр Ермаковіч назваў гульню барысаўчан "няўцямнай". "Сорамна, проста няма слоў. Віншую супернікаў з перамогай. Мне больш сказаць няма чаго", — прыводзіць словы спецыяліста прэс-служба клуба.
Аўтар пераможнага гола ў вароты БАТЭ Уладзіслаў Іваноў, каментуючы поспех сваёй каманды, адзначыў, што "крумкачы" рэалізавалі свае моманты. "Самае галоўнае, што, нягледзячы на ўсе праблемы, на поле была каманда. І вельмі добра выглядала", — сказаў футбаліст. Словы хаўбека прыводзіць прэс-служба клуба.
Паўабаронца "Крумкачоў" таксама падзякаваў заўзятарам за фантастычную падтрымку. "Дзякуй усім, хто ў нас верыў. Мы іх не падвялі", — дадаў Іваноў.
У сваю чаргу настаўнік мінчан Аляксей Кучук назваў перамогу над чэмпіёнам краіны "важнай". "Абгулялі вельмі, вельмі моцную каманду. Удзячны хлопцам. Тыя жаданне, самааддача, вера, з якімі яны гуляюць, дорага каштуюць", — сказаў ён.
У мінулую пятніцу СМІ паведамілі, што БАТЭ выйграў суд у "Крумкачоў" па справе пра доўг.
У студзені мінулага года кіраўніцтва "жоўта-сініх" прадаставіла беспрацэнтную пазыку "Крумкачам" на адзін год у памеры 150 тысяч долараў. Дзякуючы гэтым грошам "крумкачы" змаглі забяспечыць фінансавыя гарантыі перад БФФ і атрымаць ліцэнзію на ўдзел у вышэйшай лізе. Згодна з умовамі дамовы, мінскі клуб павінен быў вярнуць палову сумы ў жніўні мінулага года, іншую частку грошай — у снежні 2016 года. Аднак "Крумкачы" не змаглі пагасіць доўг нават часткова.
У пачатку года эканамічны суд Мінскай вобласці вынес вызначэнне аб спагнанні сумы доўгу ў загадным парадку. Старшыня праўлення Дзяніс Шунто заявіў, што "Крумкачы" вярнулі БАТЭ 35 тысяч долараў.
Цяпер па заяве БАТЭ на рахункі "Крумкачоў" могуць у любы момант накласці арышт, а таксама пачаць апісваць маёмасць. У мінскім клубе пакуль ніяк не каментавалі сітуацыю.
Народная каманда, як даўно празвалі "Крумкачоў" заўзятары, упершыню ў гісторыі змагла абыграць барысаўчан. Да гэтага "крумкачы" тройчы цярпелі паразу ад лепшай каманды краіны. У сеціве трыумф падапечных Кучука ўспрынялі з натхненнем.
А некаторыя заўзятары нават змаглі зарабіць дзякуючы ўдалай гульні "крумкачоў". Так, нейкі Сяргей Кавалько паставіў рубель на перамогу, а выйграў 30.
Пасля 19 тураў БАТЭ займае трэцяе месца ў чэмпіянаце краіны (39 ачкоў), "Крумкачы" размясціліся на 12-м радку (19). Лідзіруе салігорскі "Шахцёр" (44).
24 жніўня падапечныя Ярмаковіча згуляюць супраць украінскай "Александрыі" у рамках плэй-оф кваліфікацыі Лігі Еўропы. Нагадаем, першы матч барысаўчане згулялі ўнічыю (1:1).
