МІНСК, 21 жні — Sputnik. Міністр адукацыі Беларусь Ігар Карпенка паабяцаў, што да 1 верасня школы атрымаюць 30 новых падручнікаў, яшчэ 11 (гаворка ідзе пра другія часткі) завязуць да канца года.
Удасканаліць навучальныя праграмы запатрабаваў прэзідэнт Беларусі Аляксандр Лукашэнка, заявіўшы, што некаторыя тэмы ў дапаможніках "даходзяць да дурасці".
"Усяго ў лінейцы больш за 250 падручнікаў, у гэтым годзе абновяць 41. А да канца 2019 году завершыцца цалкам выпуск новых падручнікаў", — заявіў Карпенка ў эфіры тэлеканала АНТ.
Міністр запрасіў усіх крытыкаў сучасных беларускіх падручнікаў прыняць удзел у конкурсе на іх стварэнне. Ён таксама раскрыў падрабязнасці, што змянілася ў навучальных дапаможніках па некаторых прадметах.
Так, па праграме замежных моў школьнікі будуць вучыць на памяць не толькі славутасці Лондана, але і Беларусі.
"Мы хочам, каб нашы выпускнікі па-англійску маглі расказаць і пра Мінск, Мірскі замак, Нясвіж", — адзначыў міністр.
Паводле яго слоў, вырас па аб'ёме падручнік па матэматыцы.
"Цяпер у ім канкрэтызаваны тэмы, паняцці, заданні. У падручніку цяпер больш старонак, але ён стаў больш зразумелым для вучня", — падзяліўся Карпенка.
Між тым, кошт новых навучальных дапаможнікаў пакуль яшчэ не вызначаны. Пасля з'яўлення кошту карыстання падручнікамі ў наступным навучальным годзе, аплаціць іх неабходна будзе да 1 кастрычніка. Унесці аплату за падручнікі можна будзе як у банку, так і анлайн — пры дапамозе сістэмы АРІП.
