МІНСК, 22 жні — Sputnik. Прахалоднае і дажджлівае надвор'е захаваецца ў Беларусі ў аўторак 22 жніўня — месцамі па рэспубліцы навальніцы, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Рэзкае пахаладанне адбылося ў краіне ўвечары ў нядзелю: пасля спёкі на выхадных, калі тэмпература падымалася вышэй за 30°С, надвор'е змянілася і прайшлі моцныя ападкі.
"Удзень будзе воблачна з праясненнямі, на большай частцы тэрыторыі рэспублікі пройдуць дажджы, месцамі навальніцы", — сказалі ў Гідрамеце.
Там таксама паведамілі, што максімальная тэмпература паветра ўдзень складзе ад +16 да + 22°С, па ўсходзе Магілёўскай вобласці — да + 25°С.
У Мінску, паводле інфармацыі сіноптыкаў, пройдзе дождж, а тэмпература паветра ўдзень падымецца не вышэй за + 20°С.
