МІНСК, 23 жні — Sputnik. Дзесяць адсоткаў беларусаў купляюць вопратку за мяжой, сведчаць дадзеныя даследавання Міжнароднае агенцтва сацыяльных і маркетынгавых даследаванняў (МАСМІ).
Кампанія апытала тысячу беларусаў, каб правесці даследаванне аб тым, дзе аддаюць перавагу апранацца грамадзяне.
Паводле дадзеных даследавання, 55,6% беларусаў да гэтага часу купляюць вопратку на рынках. Чатыры гады таму гэты ўзровень быў вышэй на траціну.
На другім месцы па папулярнасці — гандлёвыя цэнтры, дзе вопратку сабе рэгулярна купляюць 37% жыхароў краіны. У універмагі ходзяць 23% беларусаў, а ў буціках — каля 2, 5% усіх грамадзян.
Кожны дзесяты беларус купляе вопратку за мяжой — гэты паказчык вышэй, чым колькасць тых, хто закупляецца ў крамах сэканд-хэнд. Характэрна, што мінчукі часцей за астатніх беларусаў закупляюцца за мяжой, але ў сэканд-хенды ходзяць гэтак жа рэгулярна.
"Ключавымі фактарамі выбару месца для пакупкі адзення з'яўляюцца ўзровень коштаў і прадстаўлены асартымент", — заключылі ў МАСМІ.
