Беларускія ваенныя лётчыкі адпрацавалі сёння пасадку самалётаў на аэрадромны ўчастак дарогі Мінск-Магілёў, абсталяваны для таго, каб на яго садзіліся ваенныя самалёты падчас вучэнняў.
На трасу здзейсніў пасадку ваенна-транспартны самалёт Ан-26, які даставіў у раён манеўраў ўзбраенні і боепрыпасы. Таксама на гэтую трасу селі баявыя знішчальнікі МіГ-29, штурмавікі Су-25 і вучэбна-баявы Як-130.
Тэрыторыя, прылеглая да аэрадромнага ўчастку дарогі, ахоўвалася спецпадраздзяленнямі. Пасля адкрыцця агню па патрулю, камандзір падраздзялення аховы прыняў рашэнне скаваць дыверсантаў і выклікаў ўзмацненне. Мі-8 МТВ-5 ажыццявілі высадку штурмавой групы, а вінтакрылы штурмавік Мі-24 прыкрываў з паветра.
Ваенныя лётчыкі Беларусі рэгулярна адпрацоўваюць пасадку штурмавікоў і знішчальнікаў. У мінулым годзе, да прыкладу, упершыню пасадзілі самалёты-знішчальнікі МіГ-29 і штурмавікі Су-25 на аўтадарогу ў цёмны час сутак.
