МІНСК, 26 жні — Sputnik. 10 альбомаў, сотні адыграных канцэртаў і спектакляў, ролі ў кіно (самога сябе ў культавым фільме "Дзень Радыё" ад "Квартэта І", "Абурэнне" разам з Багданам Ступкай і інш.), доўгачаканае вяртанне 5'nizza, удзел у супергурту "Брусэль", створаным Святаславам Вакарчуком, трэнерскае крэсла ў самым рэйтынгавым вакальным шоў Украіны "Голас Країни", і, як заканамерны і заслужаны вынік доўгай, крапатлівай працы — тысячы прададзеных альбомаў і больш за паўмільёна слухачоў, якія наведалі канцэрты. Слухачоў, кожны з якіх на канцэртах не выпадковы, кожны са сваёй гісторыяй, пражытай пад песні Бабкіна.
У верасні 2002 года Сяргей Бабкін вяртаецца з фестывалю Каzантып (які стаў трыумфальным для гурта 5'nizza) і разам з Сяргеем Савенка на студыі "М.A.R.T." за 5 гадзін адным махам запісвае 30 песень, якія пасля стануць двума першымі сольнымі альбомамі музыкі: "УРА!" і "БІС!". Менавіта ў гэты дзень і пачалася гісторыя музыкі і акцёра Сяргея Бабкіна, які насуперак законам шощ-бізнэсу, фарматам радыёстанцый і тэлеканалаў, а толькі дзякуючы таленту, унутранай сумленнасці, веры з боку родных і блізкіх людзей, стаў любімы ўсенародна.
Восенню 2017 года, роўна праз 15 гадоў пасля першых "музычных крокаў", Сяргей Бабкін адпраўляецца ў маштабны тур. І гэты тур для музыкі не толькі спосаб падвесці рысу чарговага этапу, але і нагода сабрацца разам з прыхільнікамі, каб сказаць ім дзякуй за увесь шлях, пройдзены разам.
Канцэрт адбудзецца 14-га лютага 2018 года ў клубе Re:public, пачатак а 19-й гадзіне; кошт квіткоў — ад 40 рублеў.
