МІНСК, 27 жні — Sputnik. Баец з ЗША Флойд Мэйуэзер-малодшы перамог тэхнічным накаўтам чэмпіёна свету па версіі Абсалютнага байцоўскага чэмпіянату (UFC) ірландца Конара Макгрэгара.
Паядынак адбыўся ў нядзелю. Мэйуэзер перамог накаўтам у дзесятым раўндзе ў баі па правілах бокса у першай сярэдняй вазе.
Пасля перамогі над Макгрэгарам амерыканскі баец пабіў рэкорд Рокі Марчыяна, атрымаўшы 50-ю перамогу ў 50 баях.
Акрамя таго, 40-гадовы Флойд Мэйуэзер-малодшы заявіў, што бой супраць Макгрэгара — апошні для яго.
