МІНСК, 28 жні — Sputnik. Дзікі мядзведзь загінуў у выніку ДТЗ у Бялыніцкім раёне, паведамілі Sputnik у панядзелак у аддзеле ДАІ Бялыніцкага РАУС.
Аварыя адбылася 28 жніўня непадалёк ад вёскі Карытніца. Жывёлу, што загінула на аўтадарозе, знайшлі супрацоўнікі Дзяржаўтаінспекцыі.
"На трасе Мінск — Магілёў невядомы насмерць збіў мядзведзя і збег", — сказалі ў ДАІ.
Там таксама паведамілі, што ў цяперашні час супрацоўнікі міліцыі шукаюць кіроўцу — вінаватага ў ДТЗ.
У Дзяржаўтаінспекцыі папрасілі відавочцаў аварыі паведаміць па тэлефоне 102 вядомую ім інфармацыю.
