Відэа

У Мінску прэзентавалі Статут ВКЛ 1588 года за $45 тысяч

Падпісацца
Адзіную кнігу трэцяга Статута ВКЛ у Беларусі з першага выдання на старабеларускай мове прадставілі ў Дзяржаўным музеі гісторыі беларускай літаратуры. Глядзіце на відэа Sputnik гісторыю пра тое, як кнігу купілі ў калекцыянера і вярнулі ў Беларусь.

Дзяржаўны музей гісторыі беларускай літаратуры сумесна з Музеем гісторыі Магілёва і Нацыянальнай бібліятэкай Беларусі адкрылі выставу "Нацыя кніг. Статут 1588 і старадрукі".

У Мінску прэзентавалі копію варштата часоў Францыска Скарыны - Sputnik Беларусь
Відэа
У Мінску прэзентавалі копію варштата часоў Францыска Скарыны

Наведвальнікі музея атрымалі магчымасць убачыць адзіны ў Беларусі вышэйшы заканадаўчы акт Вялікага княства Літоўскага, Рускага і Жамойцкага — Статут ВКЛ 1588 года.

Кніга была выдадзена на старабеларускай мове ў друкарні Мамонічаў у Вільні. Дзякуючы ахвяраванням у 2012 годзе адзін з асобнікаў Статута быў выкуплены.

Адкрыццём для аматараў гісторыі стануць таксама рэдкія выданні Магілёўскай кансісторскай друкарні XVIII cт. з фондаў Нацыянальнай бібліятэкі Беларусі, якія выстаўлены ўпершыню.

На адкрыцці выставы можна было пабачыць паменшаную копію друкарскага станка часоў Скарыны, зробленую вучнем мінскай гімназіі — Маркам Кодзеневым.

Глядзіце на відэа Sputnik, як гісторык Андрэй Радкоў вяртаў з дапамогаю талакі кнігу на Радзіму.

Стужка навiн
0