МІНСК, 3 вер — Sputnik. Напружаны матч Кантынентальнай хакейнай лігі завяршыўся перамогай маскоўскага "Спартака" і не перапыніў шэраг паразаў ХК "Дынама-Мінск".
Мінчане доўга змагаліся, але ўсё ж саступілі супернікам па булітах (0:1). Раней няўдала для "Дынама" завяршыўся паядынак супраць "Слована" у Браціславе (2:4).
Сегодня наш сектор на ВТБ-Арена был полон. Спасибо за поддержку, #намродныеболельщики! pic.twitter.com/RHeSHxvkSk
— ХК Динамо-Минск (@hc_dinamominsk) 2 сентября 2017 г.
Сталічнае "Дынама" працягне выязную серыю рэгулярнага чэмпіянату КХЛ у панядзелак, 4 верасня. Хакеістам трэба будзе сустрэцца з чарапавецкай "Северсталлю". А 6 верасня заўзятары ўбачаць матч супраць "Сочы". Турнэ завершыцца ў Ніжнім Ноўгарадзе — мінчане згуляюць з "Тарпеда".
Раней хакейны клуб "Дынама-Мінск" прайграў чатыры матчы запар на старце новага сезона КХЛ. Гэты вынік стаў горшым для каманды на дадзеным этапе турніру.
Да паразаў ад "Спартака" і "Слована" сталічны клуб капітуляваў перад фінскім "Ёкерытам" (1:6), падмаскоўным "Віцязем" (0:1) і маскоўскім ЦСКА (1:2 у авертайме).
У пазамінулым сезоне мінчане саступілі ў трох матчах запар на старце КХЛ. На жаль, у гэтым сезоне "зубры" пад кіраўніцтвам Гордзі Дуайера пераўзышлі папярэдняе "дасягненне".
