МІНСК, 4 вер — Sputnik. Дзве беларускі сталі ўдзельніцамі "Новай Фабрыкі Зорак", якую прадставілі ў мінулыя выхадныя на тэлеканале "МузТВ".
"Новая Фабрыка Зорак" — вяртанне культавай перадачы пачатку "нулявых", у якой за перамогу змагаюцца больш за дзесятак маладых артыстаў з розных краін. Прадзюсарам музычнага праекта стаў Віктар Дробыш, які рыхтаваў артыста IVAN'a, які прадстаўляў Беларусь на "Еўрабачанні-2016", і быў членам журы праекта "Ты Супер!".
У новым сезоне папулярнага шоу 16 удзельнікаў: з Расіі, Украіны, Узбекістана, Грузіі і Беларусі. Беларусь прадстаўляюць дзве дзяўчыны: Зіна Купрыяновіч і Марта Жданюк.
Купрыяновіч у верасні споўніцца 15 гадоў, аднак яна ўжо досыць вядомая спявачка: яе кліп "Насустрач ветру" сабраў на YouTube больш за 1,5 мільёна праглядаў, яна агучвала галоўную гераіню мультфільма "Моана" і ўдзельнічала ў мностве конкурсаў. У першым шоу "Новай Фабрыкі Зорак" дзяўчына праспявала дуэтам з Валерыяй.
Яшчэ адна ўдзельніца шоу з Беларусі — 24-гадовая Марта Жданюк, якая ў свой час удзельнічала ў трэцім сезоне праекта "Голас" і яшчэ шэрагу конкурсаў і шоу. Акрамя таго, дзяўчына спрабуе сябе ў мадэльным бізнэсе. На "Фабрыцы" яна праспявала з Артурам Піражковым (Аляксандрам Рэвай).
Пераможца "Новай Фабрыкі Зорак" вызначыцца праз некалькі месяцаў, а адборачныя этапы шоу будуць паказваць кожную суботу на тэлеканале.
У розныя гады дзякуючы "Фабрыцы зорак" праславіліся Паліна Гагарына, Алена Цемнікава, Цімаці, Стас П'еха, Дзмітрый Калдун і іншыя артысты.
