МІНСК, 5 вер — Sputnik. Шквалісты начны вецер паваліў дрэвы ў Мінску. МНС паведаміла пра пашкоджанні аўтамабіляў, за ўсё для ліквідацыі наступстваў ветру было задзейнічана 90 ратавальнікаў і 20 адзінак тэхнікі.
Каля 30-й мінскай гімназіі, размешчанай па вуліцы Куйбышава, з раніцы ідуць работы па ліквідацыі наступстваў непагадзі — ветрам тут паваліла некалькі верб.
Моцны лівень з парывамі ветру прайшоў уначы 5 верасня ў Мінску. Сталічныя ратавальнікі 21 раз вечарам выбывалі на месца надзвычайнага здарэння, каб вызваліць праезную частку.
З-за непагадзі былі пашкоджаны 17 легкавых аўтамабіляў і дахі двух жылых дамоў, паведамілі ў МНС.
У выніку разгулу стыхіі тры чалавекі пацярпелі, калі вецер паваліў прыпынак грамадскага транспарту ў Мінску. Медыкі, якія прыбылі на месца надзвычайнага здарэння, аказалі дапамогу пацярпелым.
