МІНСК, 7 вер — Sputnik. Халаднаватае надвор'е захаваецца ў Беларусі ў чацвер, на большай частцы тэрыторыі краіны зноў пройдуць дажджы, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Удзень чакаецца перавага воблачнага надвор'я, на большай частцы тэрыторыі Беларусі — дажджы", — сказалі ў Гідрамеце.
Там таксама паведамілі, што вецер будзе паўночнага напрамку з пераходам на паўднёвы.
Па словах сіноптыкаў, удзень максімальная тэмпература паветра складзе ад +10 да +16°C.
У Мінску, паводле інфармацыі Гідрамета, удзень тэрмометры пакажуць ад +12 да +14°C, у другой палове чацвярга чакаецца дождж.
