МІНСК, 11 вер — Sputnik. Навукоўцы зафіксавалі на Сонцы выбліск найвышэйшага класа магутнасці, сведчаць дадзеныя лабараторыі рэнтгенаўскай астраноміі Сонца Фізічнага інстытута РАН.
Серыя выбухаў на Сонцы пачалася 4 верасня. Спачатку было зафіксавана пяць невялікіх выбліскаў — іх магутнасць ацанілі як М4. Праз два дні была ўспышка класа X магутнасцю ў 2,2 бала, у той жа дзень здарылася экстрэмальна моцная ўспышка X9.3. У апошні раз успышка падобнай магутнасці назіралася 7 верасня 2005 года, яна выклікала на Зямлі адну з самых моцных за гісторыю назіранняў магнітную буру (4 бала).
Цяперашняя ўспышка адбывалася ў перыяд з 18:35 да 19:31 (па мінскім часе), пік яе актыўнасці прыйшоўся на 19:06.
Усяго ж, паводле інфармацыі навукоўцаў, у нядзелю, 10 верасня, на Сонцы адбылося сем выбухаў класа З і вышэй.
Навукоўцы адзначаюць, што з'явы, якія адбываюцца на Сонцы — гэта заканамерны вынік змяненняў у сонечнай кароне за апошнія тры дні. Па іх словах, ўспышкі далі выхад энергіі, якая назапашвалася ў выніку ўзаемадзеяння двух буйных груп сонечных плям.
