МІНСК, 11 вер — Sputnik. Развітанне з заснавальнікам фестывалю мастацтваў "Славянскі базар у Віцебску" Радзівонам Басам пройдзе ў Віцебскай філармоніі 12 верасня, паведамілі сваякі прадзюсара.
Радзівона Баса не стала 10 верасня. У апошнія гады ў прадзюсара "Славянскага базару ў Віцебску" былі праблемы са здароўем, яму ампутавалі абедзве нагі.
Развітацца з першым кіраўніком "Славянскага базару" можна будзе з 10 да 13 гадзін 12 верасня.
Арганізацыю пахавання Радзівона Баса ўзялі на сябе Віцебскі гарвыканкам і дырэкцыя фестывалю мастацтваў "Славянскі базар у Віцебску".
Як паведамілі Sputnik сваякі Радзівона Баса, пакуль ніхто з вядомых людзей не патэлефанаваў ім са спачуваннямі.
