МІНСК, 11 сен — Sputnik. Цёпла будзе на Беларусі толькі да аўторка, паведаміў Sputnik начальнік службы метэаралагічных прагнозаў рэспубліканскага Гідраметэацэнтра Мінпрыроды Дзмітрый Рабаў.
Першы месяц восені прынёс у Беларусь прахалоду, аднак у мінулыя выхадныя цяпло вярнулася, і паветра прагрэлася да +25°C. Сіноптыкі прагназуюць, што ўжо 13 верасня характар надвор'я зменіцца.
У аўторак Рабаў паабяцаў "цудоўны вераснёўскі дзянёк", хоць па захадзе краіны магчымы дажджы і навальніцы. Тэмпература паветра ноччу складзе +13..+19°C, а днём +23..+29°C. Будзе крыху халадней у заходніх раёнах Беларусі — да +22°C.
Але ўжо з серады пахаладае: праз краіну будзе праходзіць халодны атмасферны фронт, услед за якім пачне паступаць халоднае паветра з паўночнага захаду.
У сераду 13 верасня па большай частцы краіны пройдуць дажджы і навальніцы, тэмпература паветра ўначы +11..+18°C, а днём +14..+21°C. У чацвер надвор'е захавае гэтую тэндэнцыю, а да дажджоў і пахаладання дадасца парывісты вецер.
У пятніцу ноччу і раніцай пройдуць дажджы і навальніцы. Ноччу тэмпература паветра складзе +9..+16°C, днём — ад +12°С да +18°C, у паўднёвых раёнах паветра прагрэецца да +20°C.
