МІНСК, 19 вер — Sputnik. Пры Нацыянальнай акадэміі навук Беларусі працуюць над стварэннем кластара, які будзе займацца інтэлектуальным электратранспартам, перадае карэспандэнт Sputnik.
"Цяпер відавочна, што ўсім патрэбен беспілотны электратранспарт, так што зараз мы працуем над распрацоўкай інтэлектуальных сістэм для электракара", — растлумачыў генеральны дырэктар ДНУ "Аб'яднаны інстытут машынабудавання Нацыянальнай акадэміі навук Сяргей Паддубка.
Ён заклікаў не будаваць ілюзій з нагоды хуткага з'яўлення ў Беларусі ўласных беспілотных аўтамабіляў і растлумачыў, што інтэлектуальныя сістэмы ў аўтамабіль павінны ўкараняцца паступова.
"Спачатку ўкараняюць сістэмы электроннай дапамогі кіроўцу — ABS, сістэмы тармажэння, а пасля — бартавыя інтэлектуальныя сістэмы", — растлумачыў эксперт.
Нядаўна Акадэмія навук прэзентавала першы электрамабіль, створаны на базе седана Geely. Нягледзячы на тое, што канцэпцыя электракара існуе даўно, у тым ліку ў Geely, у Мінпраме лічаць, што магчымасць вытворчасці ўласнага электратранспарту — паказчык узроўню развіцця нацыі.
