Падчас сустрэчы паміж аргентынскімі камандамі, калі адзін з гульцоў рыхтаваўся да падачы вуглавога, на поле выбегла шчаня.
Сабака імгненна адабраў мяч у футбалістаў і пачаў з ім гуляць. Футбалісты абедзвюх каманд і персанал стадыёна спрабавалі злавіць шчаня, але тое не здавалася да апошняга. Спыніць гуллівую жывёліну ўдалося з дапамогай запаснога мяча.
Пасля матчу журналіст аднаго з мясцовых тэлеканалаў вырашыў жартам узяць інтэрв'ю ў "героя" матчу, але шчанюк, мабыць, быў не ў захапленні, што яму давялося пакінуць футбольнае поле, і разгрыз мікрафон.
