Барацьба з помнікамі ў Польшчы: пераможцаў не будзе

© Sputnik / Алексей Витвицкий / Перайсці ў медыябанкУскладанне кветак на магілы савецкіх салдат у Польшчы
Ускладанне кветак на магілы савецкіх салдат у Польшчы - Sputnik Беларусь
Падпісацца
Экс-прэм'ер Польшчы Лешэк Мілер лічыць няправільным знішчэнне савецкіх помнікаў і шкадуе, што ў яго краіне ёсць падобныя вандалы.

МІНСК, 21 вер — Sputnik. У сярэдзіне ліпеня польскі прэзідэнт Анджэй Дуда падпісаў папраўкі ў закон аб забароне прапаганды камунізму, якія прадугледжваюць знос савецкіх помнікаў на тэрыторыі краіны. Ужо ў другой палове верасня каля 230 помнікаў салдатам Чырвонай Арміі могуць быць дэмантаваныя.

Экс-прэм'ер Польшчы: русафобія стала дзяржаўнай дактрынай

Кіруючы ўрадам Польшчы з 2001 па 2004 год, вядомы палітычны дзеяч Лешэк Мілер у гутарцы са Sputnik Polska выступіў супраць "знішчэння могілак або месцаў памяці".

"Я магу толькі шкадаваць, што ў маёй краіне ёсць палякі, якія займаюцца вандалізмам", — канстатаваў ён.

Праца скульптара М.А. Андрэева Партрэт У.І. Леніна - Sputnik Беларусь
Палякі збіраюцца знесці амаль 500 камуністычных помнікаў

Палітык вылучыў сваю версію таго, што адбываецца. На яго думку, розныя польскія палітыкі пачалі перапісваць гісторыю краіны і сцвярджаць, што Другая Сусветная вайна скончылася для дзяржавы ў 1989-м годзе з заканчэннем "савецкай акупацыі".

"Русафобія стала дзяржаўнай дактрынай, якая рэалізуецца ў дадзены момант урадам, і гэта, напэўна, не абыходзіцца без уплыву на свядомасць палякаў, асабліва маладога пакалення. Гэта не толькі непрыязнасць чужых, рускіх або савецкіх салдат, але і ў цэлым такі час, калі польская палітыка хутчэй канцэнтруецца на адрозненнях, канфліктах, спрэчках, а не на пошуку аб'яднаўчага пачатку", — адзначыў палітык.

Лешэк Мілер упэўнены: разаграваць канфлікт паміж Польшчай і Расіяй (кіраўніцтва РФ асуджае знос помнікаў — Sputnik) з'яўляецца няправільным рашэннем. Дзеяч заклікаў шукаць кропкі судакранання і весці дыялог паміж дзяржавамі.

Авальная зала беларускага парламента, архіўнае фота - Sputnik Беларусь
Парламент Беларусі рыхтуе заяву па зносе помнікаў у Польшчы

Беларусь таксама незадаволена

Крытычна пра ідэі зносу помнікаў заяўляў і беларускі бок. Акрамя палітыкаў і грамадскіх дзеячаў, супраць такой "вайны" з мемарыяламі выступаў і МЗС рэспублікі. У знешнепалітычным ведамстве нагадалі, што для беларусаў вайна — не проста словы, амаль кожная сям'я прайшла праз яе.

Як адзначыў у ліпені начальнік упраўлення інфармацыі — прэс-сакратар МЗС Дзмітрый Мірончык, менавіта савецкія войскі адкрывалі браму Асвенцыма і дапамагалі палякам вярнуць нацыянальную дзяржаву. "Цынічна ставіць знак роўнасці паміж савецкімі воінамі і нацыстамі", — адзначыў у ліпені прадстаўнік МЗС.

Падобную ініцыятыву ў МЗС назвалі спробай перапісаць гісторыю і сцерці дзяржаўную памяць.

© Sputnik / Виктор ТолочкоДэпутат Палаты прадстаўнікоў Нацыянальнага сходу РБ Дзмітрый Шаўцоў
Депутат Палаты представителей Национального собрания Республики Беларусь Дмитрий Шевцов - Sputnik Беларусь
Дэпутат Палаты прадстаўнікоў Нацыянальнага сходу РБ Дзмітрый Шаўцоў

Асудзілі польскую ідэю і беларускія парламентарыі. Так, профільны камітэт Палаты прадстаўнікоў прыняў заяву з заклікам не зносіць савецкія помнікі, устаноўленыя героям Вялікай Айчыннай вайны, а частка палітыкаў досыць рэзка выказаліся аб гэтым і па-за афіцыйнымі паперамі.

"Потым пачнуць пісаць сваю гісторыю, перапісваць яе і казаць, што гэта СССР напаў на Германію, потым пачнуць прапагандаваць экстрэмізм і нацызм — і мы прыйдзем да таго, што было ў Германіі канца 1930-х гадоў, калі зараджаўся фашызм", — заяўляў у прэс-цэнтры Sputnik намеснік старшыні Пастаяннай камісіі па міжнародных справах Палаты прадстаўнікоў Нацыянальнага сходу РБ Дзмітрый Шаўцоў.     

Стужка навiн
0