На гомельскіх рынках стартуюць адзіныя дні зніжак

© Sputnik / Виталий Аньков / Перайсці ў медыябанкЯблыкі
Яблыкі - Sputnik Беларусь
Падпісацца
Сёння на гарадскіх рынках упершыню пройдзе акцыя "Адзіны дзень зніжак", паведамляе гомельскі карэспандэнт Sputnik.

ГОМЕЛЬ, 21 вер — Sputnik. Праводзіць агульнагарадскія акцыі па зніжэнню цэн на рынках прапанавалі самі ІП, ідэю падтрымала прадпрыемства "Кірмаш", у падначаленні якога знаходзяцца шэсць рынкавых утварэнняў, а гэта больш за дзве тысячы гандлёвых месцаў.

"З нашага боку аказана арганізацыйная падтрымка — распрацавана палажэнне аб правядзенні адзіных дней зніжак, якое ўжо ўзгаднілі парады прадпрымальнікаў, выраблена рэкламная прадукцыя для прыцягнення ўвагі пакупнікоў", — распавёў аб сваім удзеле ў акцыі дырэктар прадпрыемства "Кірмаш" Уладзіслаў Забіяка.

Балабушкі з агурком і цыбуляй - Sputnik Беларусь
Тыдзень беларускай кухні пачнецца 25 верасня

Паводле інфармацыі кіраўніка, акцыі будуць праводзіцца кожны першы і трэці чацвер да канца бягучага года. Зніжкі ў памеры 20% і вышэй будуць усталёўваць самі ІП, пакупнікам на іх пакажуць спецыяльныя магніты ў выглядзе чырвона-жоўтых зорак.

Аб сваім намеры ўдзельнічаць у акцыях прадпрымальнікаў папрасілі паведамляць загадзя, каб адміністрацыі рынкаў паспявалі ўносіць імёны "герояў" на інфармацыйныя стэнды.

Сёння раніцай стала вядома, што на самым буйным рынку "Давыдаўскі" зоркі можна будзе знайсці ў 18 гандлёвых месцах, дзе ІП працуюць з харчовай групай тавараў. Самая вялікая зніжка ўсталяваная на астраханскія кавуны, кошт якіх на час акцыі зніжаны да 48 капеек за кілаграм.

Стужка навiн
0