Дзень горада: як Гродна адзначыць 889-годдзе

© Sputnik / Валерия СоловьеваВід на Гродна
Від на Гродна - Sputnik Беларусь
Падпісацца на
НовостиTelegram
Горад на Нёмане адзначыць на выхадных 889 гадоў з моманту першай згадкі ў летапісах.

Памежны горад-крэпасць, Гродна быў упершыню згаданы ў 1128-м — у Іпацьеўскім летапісе. Гісторыя Гродна багатая на падзеі: горад некалькі разоў спальвалі дашчэнту, ён "пераходзіў" з адной дзяржавы ў іншую, тут жа ў свой час прайшоў апошні перад падзелам сойм Рэчы Паспалітай, а ў першай палове мінулага стагоддзя ён апынуўся ў Заходняй Беларусі, і толькі ў 1939-м адышоў ад Польшчы ў склад БССР. Сёння Гродна — адзін з абласных цэнтраў Беларусі з насельніцтвам больш за 368 тысяч чалавек. Па колькасці жыхароў Гродна — пяты горад рэспублікі.

Дзень горада Гродна штогод адзначаюць у розныя дні. Святкаванні 889-га "дня нараджэння" горада пройдуць 23 верасня 2017-га, хоць святочныя мерапрыемствы праходзілі і да гэтай даты, і будуць працягвацца ў наступныя дні.

© Sputnik / Инна ГришукЖылы раён у Гродна
Именно эти девятиэтажки на улице Дзержинского в Гродно можно увидеть в фильме - Sputnik Беларусь
Жылы раён у Гродна

Праграма Дня горада Гродна

З нагоды Дня горада ўжо а восьмай раніцы ў суботу ў храмах Гродна пройдуць святочныя набажэнствы. Само ж урачыстае адкрыццё свята прызначана на 11:00 на плошчы Леніна.

З 12:00 у цэнтры Гродна пачнецца свята — з падвядзеннем вынікаў гарадскіх конкурсаў, унясення імёнаў пераможцаў у "Кнігу славы" горада і многім іншым. З трох гадзін дня 23 верасня пачнецца канцэрт "Вялікі культурны калайдэр" — у ім возьмуць удзел творчыя калектывы рэгіёну.

У 19:00 усім гарадзенцам і гасцям горада з нагоды Дня горада прэзентуюць праект "Ведай нашых", у якім аб'яднаюцца эстрада і модныя дэфіле ад вясельнага салона. Праз гадзіну будзе дыскатэка — з удзелам гурта "Дразды", Лесі Кодуш, Славы Нагорнага і іншых артыстаў. А з 22:00 пройдзе яшчэ адна дыскатэка — з мясцовым кавер-бэндам.

Нарэшце, у 22:00 у Гродне з нагоды Дня горада дадуць святочны феерверк — не салют, вядома, але гэта таксама будзе прыгожа.

Мерапрыемствы ў раёнах і на прадпрыемствах

Акрамя асноўнай праграмы святкавання Дня горада, мерапрыемствы ў межах 889-годдзя Гродна 23 верасня пройдуць ва ўсіх раёнах.

Пройдзе на працягу суботы ў гарадскім парку імя Жылібера сямейнае свята "Намалюю свой Гродна!" з конкурсам малюнкаў на асфальце і дабрачыннай акцыяй. Таксама там пройдзе свята фарбаў холі для дзяцей і выступленні артыстаў.

© Sputnik / Артем Житенев / Перайсці ў медыябанкФестываль фарбаў Холі
Фестиваль красок. Архивное фото - Sputnik Беларусь
Фестываль фарбаў Холі

У некалькіх тэатраў і іншых культурных устаноў на працягу дня будуць праходзіць канцэрты і розныя праекты — напрыклад, "Бібліятэка пад адкрытым небам".

Таксама 23 верасня ў Гродне пройдзе Фестываль сыру, выязныя кірмашы і фэсты, а таксама мерапрыемствы ад буйных кампаній — у тым ліку і "Амкадора". У цэлым жа розныя падзеі можна будзе ўбачыць на цэнтральных пляцоўках кожнага мікрараёна абласнога цэнтра.   

Стужка навiн
0