МІНСК, 25 вер — Sputnik. Жаночая зборная Беларусі па валейболе выйшла ў 1/8 фіналу чэмпіянату Еўропы, паведамляе Sputnik.
У нядзелю беларуская каманда правяла трэці матч групавога раўнда кантынентальнага першынства супраць зборнай Грузіі. Сустрэча завяршылася з лікам 3:0 (25:8, 25:11, 25:12).
У 1/8 фіналу турніру падапечныя Пятра Хілько будуць змагацца супраць пераможцы пары Чэхія — Галандыя.
Турнірнае становішча ў групе В:
- Італія — 6 ачкоў (2 гульні)
- Беларусь — 5 (3)
- Харватыя — 4 (2)
- Грузія — 0 (3)
Матчы плей-оф адбудуцца ў Баку на Нацыянальнай гімнастычнай арэне.
