МІНСК, 25 вер — Sputnik. Вікторыя Азаранка завяла ў Instagram старонку свайму сыну Леа. На профіль хлопчыка за палову дня падпісаліся амаль 1700 чалавек. Пакуль тэнісістка размясціла там толькі адно фота, пад якім карыстальнікі радуюцца з'яўленню сына беларускай тэнісісткі ў мікраблозе. Пост набраў больш за тысячу лайкаў.
Асабісты канал Вікторыі Азаранкі з'явіўся ў сакавіку 2012 года. Тэнісістка актыўна вядзе свой акаўнт, дзеліцца з падпісантамі фатаграфіямі з трэніровак, чэмпіянатаў, жыцця па-за спортам, а з нядаўніх часоў і кадрамі Леа. Знакамітую беларуску фаловілі 589 тысяч чалавек.
Не так даўно грамадскасць літаральна шакавала навіна аб сямейным скандале Азаранкі і Білі Макінга, бацькі Леа Бойфрэнд тэнісісткі звярнуўся ў суд з заявай, што Вікторыя скрала іх агульнага сына. З-за праблем у сям'і Азаранка знялася з US Open, каб заняцца вырашэнем канфлікту. Арганізатары чэмпіянату, сусветныя спартсмены і прыхільнікі падтрымлівалі Вікторыю ў сацсетках, каб дапамагчы ёй перажыць нялёгкі перыяд.
Аднак у апошні час у "Інстаграм"-акаўнце Азаранкі на здымках ўсё больш усмешак і Лео. Вікторыя фатаграфуецца з малым і называе сына сваім блізнюком.
