Міжнародны хакейны турнір сярод дзяцей адбыўся на мінулым тыдні ў Пскове. Беларусь на спаборніцтвах прадстаўляла каманда Спецыялізаванай дзіцяча-юнацкай школы алімпійскага рэзерву ГУ "Хакейны клуб "Юнацтва-Мінск" 2008 года нараджэння.
"Па выніках спаборніцтваў галоўны прыз дастаўся юным выхаванцам СДЮШАР "Юнацтва-Мінск", — распавялі Sputnik у прэс-службе сталічнай лядовай дружыны.
Мінчане выйгралі чатыры матчы і прайгралі адзін. Але нягледзячы на гэта, юныя беларусы занялі першае месца.
На цырымоніі ўзнагароджання, калі ў гонар пераможцаў павінен быў граць гімн, аказалася, што ў арганізатараў няма гімна Беларусі. Але хлопцы не разгубіліся і выканалі яго без музыкі.
Цырымонію на відэа зняў бацька Юрыя Давіцяна, які стаў лепшым бамбардзірам па выніках турніру.
