МІНСК, 27 вер — Sputnik. Літаратурныя крытыкі станоўча ацанілі новы раман расійскага пісьменніка Віктара Пялевіна, які выйшаў напярэдадні, аднак ёсць і негатыўныя водгукі.
"IPhuck 10" — 15-ты раман расійскага пісьменніка Віктара Пялевіна, самага папулярнага постмадэрніста сучаснай рускай літаратуры. У цэнтры сюжэту новай кнігі аўтара — гісторыя літаратурна-паліцэйскага алгарытму Парфірыя Пятровіча, "рускай Siri".
Новы раман Пялевіна выйшаў у выдавецтве "Эксма" 26 верасня і ўжо атрымаў шэраг водгукаў ад літаратурных крытыкаў. Так, Галіна Юзэфовіч назвала "iPhuck 10" лепшым раманам Пялевіна за дзесяць гадоў, станоўчымі водгукамі кніга ўганаравана і ад многіх іншых "прафесійных чытачоў", хоць сам пісьменнік у кнізе дастаткова рэзка адазваўся аб усіх крытыках.
Ёсць і негатыўныя водгукі на новы раман Пялевіна — некаторыя лічаць, што ён "спрабуе ўгнацца за трэндамі". Зрэшты, попыт на кнігу ўсё роўна высокі — на днях яна паступіць у кнігарні. Спампаваць "iPhuck 10" нельга — выдавецтва актыўна змагаецца з пірацтвам і патрабуе блакаваць электронныя кнігі Пялевіна ў бясплатным доступе.
Ужо вядомы і прыблізны кошт "iPhuck 10" для беларускіх чытачоў — ён складзе каля 29 рублёў. Да кніжных крамаў Беларусі раман дойдзе ў першыя дні кастрычніка.
