Гіганцкі астэроід падляціць да Зямлі 12 кастрычніка

© PixabayАстэроід, архіўнае фота
Астэроід, архіўнае фота - Sputnik Беларусь
Падпісацца на
НовостиTelegram
Мяркуецца, што астэроід падляціць да планеты бліжэй, чым Месяц, аднак пагрозы ён не ўяўляе.

МІНСК, 1 кас — Sputnik. Гіганцкі астэроід можа падляцець ушчыльную да Зямлі ў чацвер, 12 кастрычніка, пра гэта паведамляюць многія сусветныя, у тым ліку і рускамоўныя, СМІ.

Метэарыт Чалябінск, архіўнае фота - Sputnik Беларусь
Беларускія астэроіды: пералічваем усе, ад Скарыны да Шагала

Па заяве шэрагу навукоўцаў, гэты астэроід дыяметрам у 40 кіламетраў — больш, чым знакаміты Чэлябінскі. Сочаць за гэтым астэроідам астраномы ўжо амаль пяць гадоў. Назва ў касмічнага цела — 2012 TC14.

Згодна з разлікамі, 12 кастрычніка астэроід праляціць ушчыльную да Зямлі. Адлегласць ад планеты да яго будзе ў два разы менш, чым да Месяца — усяго 44880 кіламетраў. З-за такога "маршруту" астэроіда шмат хто лічыць яго патэнцыйна небяспечным.

Зрэшты, амерыканскае аэракасмічнае агенцтва NASA і іншыя падобныя структуры пагрозы ў астэроідзе не бачаць: ён нават не ўганараваны асобным паведамленнем ад арганізацый, што сведчыць пра вельмі маленькую рызыку яго сутыкнення з Зямлёй.

Яшчэ ў верасні перад так званым "канцом свету", звязаным з міфічнай планетай Нібіру, у NASA заяўлялі: шанец, што ў бліжэйшы час Зямля сутыкнецца з якім-небудзь касмічным аб'ектам, складае тысячныя долі адсотка.

Такім чынам, магчымасць траплення астэроіда 12 кастрычніка ў планету ўсур'ёз не разглядаецца.

Стужка навiн
0