МІНСК, 2 кас — Sputnik. Беларуская тэнісістка Аляксандра Сасновіч паднялася на пяць радкоў у абноўленым рэйтынгу Жаночай тэніснай асацыяцыі (WTA).
Новы рэйтынг WTA быў апублікаваны ў панядзелак 2 кастрычніка.
Сасновіч палепшыла сваё становішча ў табліцы, падняўшыся адразу на пяць радкоў — на 97 месца (630 ачкоў).
Лідзіруе ў гонцы WTA іспанка Гарбін'е Мугуруса (5680), на другім месцы — чэшка Караліна Плішкава (5085), на трэцім — Сымона Халеп (5026).
У дзясятку лепшых тэнісістак таксама ўвайшлі Эліна Світоліна (Украіна), Караліна Вазняцкі (Данія), Вінус Уільямс (ЗША), Алена Астапенка (Латвія), Ёхана Конта (Вялікабрытанія), Крысціна Младэнавіч (Францыя) і Каралін Гарсія (Францыя).
