МІНСК, 4 кас — Sputnik. Пытанні беларуска-ватыканскага ўзаемадзеяння абмеркаваны ў Мінску на сустрэчы міністра замежных спраў Беларусі Уладзіміра Макея і намесніка Дзяржаўнага сакратара Ватыкана Джавані Анджэла Беччу, паведамілі ў МЗС.
Візіт прадстаўніка Ватыкана ў Мінск прымеркаваны да афіцыйнага адкрыцця новага будынка Апостальскай нунцыятуры ў Мінску і 25-годдзю cа дня ўстанаўлення дыпламатычных адносін паміж Беларуссю і Ватыканам, якое будзе адзначацца 11 лістапада 2017 года.
"Падчас сустрэчы бакі абмеркавалі актуальныя пытанні і асноўныя напрамкі далейшага развіцця беларуска-ватыканскага ўзаемадзеяння, некаторыя аспекты дзейнасці Рымска-каталіцкай царквы ў Беларусі", — паведамілі Sputnik у аўторак у МЗС.
Таксама адбыўся абмен думкамі аб выніках праведзенага ў Мінску пленарнага пасяджэння Рады канферэнцый каталіцкіх біскупаў Еўропы, у якім прынялі ўдзел больш за 40 кардыналаў і біскупаў.
