МІНСК, 4 кас — Sputnik. Цеплазабеспячэнне ў жылым фондзе Віцебска будзе ўключана ў чацвер 5 кастрычніка, паведамілі Sputnik у сераду ў РУП "Віцебскэнерга".
На працягу папярэдніх дзён сярэдняя тэмпература паветра ў рэспубліцы не перавышала +10°С, таму мясцовыя ўлады пачалі прымаць рашэнне аб пачатку ацяпляльнага сезона.
"Рашэнне прынята, з заўтрашняга дня ўключаем ацяпленне жылога фонду ў Віцебску", — сказалі ў Віцебскэнерга.
На бягучым тыдні паэтапна пачалі ўключаць ацяпленне ў сацыяльных аб'ектах — дзіцячых садках, шпіталях і школах.
Як раней паведамілі ў Міністэрстве жыллёвай і камунальнай гаспадаркі, ацяпляльны сезон у рэспубліцы павінен пачацца ўжо на гэтым тыдні.
