Мінскай публіцы больш за ўсё падабаюцца старыя хіты Стынга, але і кампазіцыі з новага альбома "57th&9th" артыста мінскія прыхільнікі яго таленту пазнавалі з першых акордаў.
Папярэдні раз Стынг выступаў у Мінску з сольным канцэртам 7 гадоў таму.
Легендарны брытанскі спявак Sting пачаў свой канцэрт у Мінску, выканаўшы песню са сваім сынам Джо.
Мінскі канцэрт
Публіка цёпла прымала Стынга, які выканаў старыя хіты і новыя кампазіцыі. Асабліва публіка "адрывалася" на танцполе. Многія здымалі канцэрт на мабільныя тэлефоны, рабілі сэлфі.
Песні, якія Sting выканаў у Мінску, парадавалі прыхільнікаў яго таленту — гэта "Synchronicity II", "Petrol Head", легендарныя "Shape of My Heart", "Englishman in New York" проста ўзарвалі "Мінск-Арэну".
Стынг таксама выканаў "Fields of Gold", "Every Breath You Take", "50000", "Walking on the Moon" і многія іншыя кампазіцыі.
На біс Стынг выканаў свой легендарны хіт "Fragile".
Сын Джо
Пасля выканання старэйшы сын спевака падзякаваў за апладысменты мінскай публіцы па-беларуску.
Стынг прадставіў яго і заявіў, што яго сын Джо ведае беларускую мову. "Мінск-Арэна" выбухнула апладысментамі і воклічамі. У адказ на гэта сын Стынга пажартаваў, што яго бацька перабольшвае.
Сын Стынга, які цягам амаль гадзіны выконваў свае песні, акампануючы сабе на гітары, выказаў надзею, што ён не апошні раз прыязджае ў Мінск і запрасіў публіку падпісацца на яго акаўнт у Instagram.
Прыгажунчык Стынг
Мінскія прыхільнікі Стынга падчас перапынку, размаўляючы між сабой, гаварылі, што "ў Стынга ўсе песні класныя". Гучалі фразы пра тое, што "цэлых сем гадоў чакалі яго прыезд у Мінск", што ён "з гадамі толькі прышпільней". Акрамя гэтага, публіка казала аб "дэмакратычным адзенні", у якім нязменна выступае Sting. Мужчына сярэдніх гадоў, пачуўшы, як ідзе абмеркаванне, успомніў "пампезныя пінжакі" некаторых рускамоўных выканаўцаў. Жаночую частку мінскай публікі ўразіла фізічная форма спевака. І зусім маладзенькія прыхільніцы і дамы старэй казалі, што "Стынг яшчэ той прыгажунчык, не гледзячы на свае 66".
Таксама публіка ў перапынку размаўляла пра тое, што Стынг сёння шпацыраваў па Мінску і быў у добрым настроі.
Джала
Яго сапраўднае імя — Гордан Мэцью Томас Самнер. Псеўданім Sting азначае "джала". Музычныя крытыкі сцвярджаюць, што ўсяму віной любімы швэдар спевака — у чорна-жоўтую паласу, які ён надзеў у самым пачатку кар'еры. Таксама Стынг вядомы сваёй працавітасцю і зацятасцю. Спявак настолькі прывык да свайго псеўданіма, што на іншыя імёны не адклікаецца. Так да яго звяртаюцца родныя і блізкія.
Sting нарадзіўся 2 кастрычніка 1951 года на поўначы Англіі.
Сваім музычным натхняльнікам Sting называе легендарнага Джымі Хендрыкса (Jimi Hendrix).
Leon
Самай вядомай песняй Sting лічыцца "Shape of My Heart" ("Сілуэт майго сэрца"). Людзі, што не ведаюць англійскай мовы, упэўненыя, што яна пра каханне. Гэтая песня прагучала ў культавым фільме Люка Бесона "Леон". Sting тлумачыць папулярнасць песні яе глыбокім філасофскім сэнсам.
