МІНСК, 13 кас — Sputnik. Паб The Black Swan, размешчаны ў невялікім сяле Олдсціт у Паўночным Ёркшыры, стаў лепшым па версіі TripAdvisor Travelers' Choice 2017, паведамляецца на сайце прэміі.
Шэф-повар Томі Бэнкс разам з братам адкрыў рэстаран у 17 гадоў. У 24 гады ён атрымаў зорку Мішлен.
"Гэта велізарны гонар выйграць гэтую ўзнагароду. Яна сапраўды асаблівая, бо яна прысуджана па водгуках нашых кліентаў", — пракаментаваў перамогу Томі.
Паб атрымаў перамогу, абышоўшы больш вядомых і дарагіх канкурэнтаў — такіх, як нью-ёркскі рэстаран Daniel, італьянскі Martin Berasategui, французская Maison Lameloise і іншыя.
Паб Black Swan мае чатыры разеткі АА. Разетка — гэта ўзнагарода ад рэстараннага інспектара. Чатыры разеткі з'яўляюцца сімвалам нацыянальнага прызнання, амбіцыйнасці рэстарана і імкнення да дасканаласці.
Акрамя паба The Black Swan у тройку лідэраў увайшлі брытанскі рэстаран Belmond Le Manoir aux Quat'Saisons, які мае дзве мішленаўскія зоркі, і французскі Maison Lameloise з трыма мішленаўскімі зоркамі.
